å skriva for web

det er annleis å skriva for lesing på web enn for lesing på papir.

dette er for oss som treng litt råd og “hugselapp” når det gjeld å skriva noko som er lett å lesa på web.

viktigaste fyrst

folk skummar ofte websider.  skumlesing gjer at den viktigaste informasjonen bør koma fyrst – start gjerne med konklusjonen.

avgrensning: skriv korte avsnitt, kortfatta setningar – mykje kortare enn på papir.  ha ein idé per avsnitt.

bruk gjerne overskrifter og lister

• bruk gjerne lister for å ramsa opp fleire poeng
• bruk gjerne overskrift – primært som hjelp til skumlesing
• teksten skal gi meining på papir – unngå “klikk her” o.l., og bruk heller lenker med meining
• det er lettare å legga merke til feit skrift enn kursiv skrift
• skriv gjerne direkte til lesaren – slik får du lettare kontakt
• anekdoter heller enn kompakte data

nøkkelord, søk

få fram nøkkelord – gjerne i overskrifter og i starten på avsnitt, som blikkfang.  tenk også på kva folk søker etter når dei ynskjer å finna innhald som det du skriv – og bruk slike ord i tekst og overskrifter.

som på papir

det som er smart når ein skriv på papir er også smart på web:

• tenk på målgruppe
• tenk på sjanger – kva vil du med teksten?
• la konklusjon/ samandrag/ innleiing svara på kven, kva, når, kor, korleis

kjelder

• digme
• web:2
• nettredaktor.no (om sjanger)
• useit.com, spesielt Writing style for print vs. Web (“Linear vs. non-linear. Author-driven vs. reader-driven. Storytelling vs. ruthless pursuit of actionable content. Anecdotal examples vs. comprehensive data. Sentences vs. fragments.”)